Salubris rerum venereorum usus ex Epicurei nullus est; revera autem salubris usus est ab intermissionibus tantis, ut post usum homo levior factus esse faciliusque spirare rideatur. Opportunum autem utendi tempus est, quum exquisite medium obtineat omnium externarum circumstantiarum corpus, neque immoderatius repletum, neque vacuum, neque nimis perfrigeratum, neque superealefactum, neque immodice exiccatum, neque humectatum. Si vero interdum aliqua in re aberret, parvum esto, quod in errorem labitur. Salubrius autem calefacto magis quam perfrigerato, et repleto magis quam vacuato, et humectato magis quam exiccati, corpori rebus uti venereis. Qui igitur imbecillas vices habent, ii certe ab immoderata venere in extremam infirmitatem procidunt; qui vero robustas, quique aegrotant pituitae copia, quod humores amplius discutiunt, innoxium ipsarum usum ferunt; sic enim calidis et humidis contingit, et quibuscuuque natura semine foecundis. Quin et corpus eorum, qui robustas habent vires, venus calefacit; quibus vero imbecillae sunt, in promptu quidem calefacit, sed postea vehementer refrigerat Proinde nonnulli quidem post coitum a mventute quamprimum imbecilles evadunt; nonnulli vero, nisi assidue utentur coitu, capitis gravitatem incurrunt, cibos fastidiunt, febriculosi fiunt, deterius appetunt, minusque concoquunt. Quosdam ejusmodi naturae esse novimus, ut, quum a rebus venerem abstinerent, tum torpidi, tum ad motum difficiles facti sint; quosdam vero, qui melancholicorum more praeter rationem moesti ac spei expertes evaserint; haec vero omnia quamprimum veneris usu sedata fuisse. Haec mihi consideranti magnopere laedere videtur seminis retentio, in quibus ipsum tum natura deterioris est succi, tum copiosius est, et otiosior vita, et veneris usus prius quidem frequentior, postea vero affatim abstinuerunt. Qui robusti ac juvenes sunt, his corporis habitus in raritatem potius quam vires in imbecillitatem mutatur; at iis quaedam sit emendatio per ea, quae cogunt et constringunt, qualis est praeparans exercitatio. Si vero etiam aliqua perfrigeratio post venerem corporibus oboriatur, erit etiam exercitatione praeparante ob eam causam utendum; calorem enim excitat. Concedente vero anni tempestate a frigido balneo haud erit abstinendum. Edulia vero copia quidem parciora, qualitate vero humidiora exiribenda, ut tum probe ipsa concoquantur, tum a venere contracta siccitas emendetur. Sed oportet neque temperamento frigidiora, sed media calcfacicntium specie ipsa esse. Nam quoniam corpus a venere rarius simul ac imbecillius, frigidius et siccius efficitur, quae sane densant et calefaciunt et erres reparant, adhibenda sunt; atque hi sinit scopi, qui huc spectant.