Ἡ δὲ ἀπερίστικτος εὐθεῖα γραμμὴ πλαγία ἢ περισπωμένη τεθεῖσα κατὰ πᾶν, ὀβολὸν δηλοῖ /, 𐅼, 𐅼. αἱ δὲ δύο ἀπερίστικτοι, δύο ὀβολοὺς. // 𐅽, 𐅽. οἵ ποιοῦσι τὸ γράμμα δηλούμενον ὑπὸ τοῦ Γ πλησίον ἐχόντος τὸ ρ τεμνόμενον ὑπό τινος εὐθείας γραμμῆς 𐆈.

Αἱ δὲ δύο γραμμαὶ συνάπτουσαι κατὰ θάτερον πέρας, ὥστε γωνίαν ποιεῖν, ἐμφερῶς ταῖς τοῦ Κ δύο κεραίαις ταῖς πρὸς τὴν ὀρθὴν γραμμὴν ἢ κατὰ κάθετον, δραχμὴν σημαίνουσιν, 𐅻 τὴν συνωνύμως καὶ ὁλκὴν καλουμένην.

Ἰδίως δὲ παρὰ παλαιῶν τὴν ὁλκὴν τὸ λ δηλοῖ, ἔχον μέσον τὸ ο λο. ἡμεῖς δὲ καὶ ταύτην ὁλκὴν καλοῦμεν. εἰ δὲ τὸ ι μέσον ἢ προστεθειμένον ἢ ἐπικείμενον ἔχει τὸ λ, λίτραν σημαίνει λ, λι, λι. τινὲς δὲ τὴν ἑτέραν τοῦ λ γραμμὴν λοξῶς τέμνοντες δηλοῦσι τὴν λίτραν, λι.

Τὸ δὲ Γ ἔχον ἐν ταῖς ἑαυτοῦ γωνίαις τὸ ο, οὐγγίαν δηλοῖ γο.

Ἡ λίτρα λι. ἔχει γο ιβʹ.

Ἡ δὲ γο, 𐅻 ηʹ, αἵτινες καὶ ὁλκαὶ λέγονται.

Ἡ δὲ ὁλκὴ ἢ δραχμὴ 𐅻 κεράτια ἔχει ιηʹ, ἄλλοι δὲ λέγουσι γράμματα γʹ.

Τὸ δὲ γράμμα 𐆈, ὀβολοὺς βʹ.

Ὁ δὲ ὀβολὸς, κεράτια γʹ.

Τὸ δὲ κεράτιον ἔχει σιτάρια δʹ, ἄλλοι δὲ χαλκοῦς δύο δίμοιρον. ὁ γὰρ ὀβολὸς ἔχει χαλκοῦς ηʹ.

Ἡ κοτύλη ταὐτὸν δὲ εἰπεῖν ὡς τὸ τρυβλίον.

Τὸ τρυβλίον δὲ τὸ μικρὸν ἔχει μύστρα μεγάλα γʹ, ὀξύβαφα δὲ δʹ.

Τὸ γὰρ μέγα μύστρον ἔχει ὀξύβαφα γʹ.

Τὸ δὲ μικρὸν μύστρον ἔχει ὀξύβαφον αʹ καὶ τὸ γʹ αὐτοῦ μερός.

Τὸ δὲ ὀξύβαφον, ἔχει κύαθον αʹ καὶ ἥμισυ.

Ὁ δὲ κύαθος ἔχει χήμας μικρὰς ἤτοι μύστρα μικρὰ βʹ.

Εἰ δὲ βούλοιο καὶ τὸν σταθμὸν τῶν ὑγρῶν εἰδέναι μέτρων, πάμπολλοι μὲν αἱ τῶν ὑγρῶν οὐσιῶν εἰσι κατὰ τὴν ῥοπὴν διαφοραὶ, ὡς ἐπὶ παραδείγματος, ἐλαίου τε καὶ οἴνου καὶ μέλιτος λέξομεν.

Τὸ μὲν οὖν μέλι τοῦ οἴνου βαρύτερόν ἐστι τετάρτῳ μέρει καὶ προσέτι δεκάτῳ. ὅπερ ἐστὶ τὸ ὅλον συνέγγυς τρίτῳ· ἔχει γὰρ τὸ αὐτὸ τῷ οἴνῳ τοῦ μέλιτος ποσὸν ὅλον τὸν τοῦ οἴνου σταθμὸν καὶ προσέτι τὸ τρίτον αὐτοῦ μέρος.

Τοῦ δὲ ἐλαίου τὸ μέλι τῷ ἡμίσει μέρει βαρύτερόν ἐστιν. ἔχει γὰρ ὅλον τὸν τοῦ ἐλαίου σταθμὸν καὶ προσέτι τὸ ἥμισυ αὐτοῦ.

Τὸ δὲ Κ, εἰ μὲν ἔχει ε ἐπικείμενον καὶ λοξὴν εὐθεῖαν γραμμὴν τέμνουσαν τὴν κάτω κεραίαν αὐτοῦ, κεράτιον δηλοῖ, κε, εἰ δὲ υ, κύαθον, κυ εἰ δὲ ο, κοτύλην κο.

Ἡ δὲ ἀπερίστικτος εὐθεῖα γραμμὴ πλαγία τεθεῖσα κατὰ πᾶν ὀβολὸν δηλοῖ /, 𐅼. αἱ δὲ δύο ἀπερίστικτοι δύο ὀβολοὺς ποιοῦσι //, 𐅽.

Δηλοῖ δὲ γράμμα τὸ γ, πλησίον ἔχον τὸ ρ τεμνόμενον μετὰ εὐθείας γραμμῆς 𐆈.

Αἱ δὲ δύο γραμμαὶ συμπίπτουσαι κατὰ θάτερον μέρος, ὥστε γωνίαν ποιεῖν ἐμφερὲς ταῖς τοῦ Κ δύο κεραίαις ταῖς πρὸς τῇ ὀρθῇ γραμμῇ, σημαίνουσι δραχμὴν 𐅻, τὴν συνωνύμως καὶ ὁλκὴν καλουμένην.

Ἰδίως δὲ τὴν ὁλκὴν τὸ λ δηλοῖ ἔχον μέσον τὸ ο, λο.

Εἰ δὲ ι ἔχει τὸ λ, σημαίνει λίτραν λ, λι.

Τὸ Γ ἔχον ἐν ταῖς γωνίαις αὐτοῦ τὸ ο οὐγγίαν δηλοῖ γο.

Τὸ μ ἔχον κατὰ τὸ μέσον αὐτοῦ τὸ ν μνᾶν δηλοῖ μν. εἰ δὲ τὸ ε, μέδιμνον με. εἰ δὲ τὸ υ, μύστρον μυ. εἰ δὲ ο, μόδιον μο.

Τὸ δὲ τ ἔχον ἔμπροσθεν αὐτοῦ ρ καὶ υ, τρύβλιον δηλοι τρυ.

Τὸ δὲ ξ εἰ μὲν ἔχει ἐπάνω ε, ξέστην δηλοῖ ξε. τινὲς δὲ τέμνουσι τὸ ξ ἀντὶ τοῦ ξέστην, ξ ξε. εἰ δὲ ο ἔχει, ὀξύβαφον ξο.

Εἰ δὲ κ καὶ ρ, ἐπάνω ἔχουσι μ, κεράμιον δηλοῖ κρμ.

Τὸ ἀσσάριον, δηνάριον ἤτοι στάγιον ἓν, ἥμισυ.

Ὁ στατὴρ, ἀσσάρια δύο.

Ἡ οὐγγία, στατῆρας δύο.

Ἡ ὁλκὴ, οὐγγίας δύο.

Ἡ λίτρα, ὁλκὰς ἕξ.

Ἡ Ἰταλικὴ μνᾶ λίτραν μίαν, ἥμισυ. ἡ δὲ Ἀττικὴ στάγια τρία· ἡ Πτολεμαικὴ λίτραν μίαν καὶ ἡμίσειαν.

Τὸ κοχλιάριον, δηνάριον ἤτοι στάγιον ἥμισυ.

Τὸ μικρὸν μύστρον καὶ τὸ σίκλον, κοχλιάρια δύο.

Ὁ κύαθος, μικρὰ μύστρα τέσσαρα.

Τὸ ὀξύβαφον καὶ τὸ μέγα μύστρον, κυάθους τρεῖς.

Ἡ κοτύλη καὶ τὸ τρυβλίον, ὀξύβαφα δύο.

Ὁ ξέστης, κοτύλας δύο.

Ὁ χοῦς, ξέστας ἕξ.

Τὸ Ἰταλικὸν κεράμιον, χόας ὀκτώ.

Δεῖ γινώσκειν, ὡς οἱ ἐνταῦθα καταγεγραμμένοι σταθμοὶ ἐπὶ τῶν ὑγρῶν μέτρων ἐπὶ τοῦ οἴνου καὶ τοῦ ὕδατος συνετέθησαν. ἐπὶ δὲ ἐλαίου καὶ ὕδατος ἀναλογίζεσθαι χρὴ ἕκαστον σταθμὸν ἐπὶ τῶν ὑγρῶν μέτρων, κατ’ ἀναλογίαν τῆς τοῦ βάρους ἑκάστου εἴδους διαφορᾶς κατὰ τὴν ἔκπαλαι γενομένην ἀπόπειραν καὶ δοκιμασίαν τοῦ βάρους ἑκάστου εἴδους τῶν ὑγρῶν. ἔχει δὲ οὕτω.

Τὸ ὕδωρ καὶ οἶνος ἰσόσταθμα λογίζονται. ἤγουν λίτρα τοῦ ἐλαίου ἐὰν εἰς ἀγγεῖον εἰσαχθῇ καὶ πληρώσῃ τοῦτο, εἶτα εἰς τὸ αὐτὸ ἀγγεῖον εἰσαχθῇ ὕδωρ ἢ οἶνος, πλέον τῆς λίτρας καὶ ἕτερα ἕξ στάγια εὐρεθήσεται, διὰ τὸ φύσει εἶναι καὶ τὸν οἶνον καὶ τὸ ὕδωρ βαρύτερον τοῦ ἐλαίου. εἰ δὲ εἰς τὸ αὐτο ἐμβληθῇ μέλι, πλέον πάλιν τῶν ἑβδομήκοντα ὀκτὼ σταγίων καὶ ἕτερα στάγια δεκάπεντε ἥμισυ εὑρεθήσονται. ἤγουν τὸ αὐτὸ ἀγγεῖον, ὅπερ χωρὶς ἐλαίου λίτραν ἐχώρει, ἤτοι στάγια ἑβδομηκονταδύο ὕδατος μὲν καὶ οἴνου, ἑβδομηκονταοκτὼ στάγια πάντως χωρήσει. μέλιτος δὲ στάγια εἰκοσιεννέα. καὶ δεῖ διὰ τοῦτο κατ’ ἀναλογίαν ἑκάστου εἴδους ἢ προστιθέναι ἢ ἀφαιρεῖν ἀπὸ τοῦ ποσοῦ τῶν ἀναγεγραμμένων σταθμῶν, ἐπεὶ ἐπὶ οἴνου καὶ ὕδατος, ὡς ἔφαμεν κατεγράφησαν. οἷς καὶ δεῖ προσέχειν ἐπιμελῶς, ἵνα μὴ βλάβη μεγίστη ἐν ταῖς σκευασίαις προσγένηται.

Ἡ μεγάλη κοτύλη ἴση τῷ ὀξυβάφῳ.

Ἡ χοῖνιξ ἔχει κοτύλας τρεῖς.

Ὁ ἀμφορεὺς ξέστας τριακονταέξ.

Ὁ μετρητὴς ξέστας ἑβδομηκονταδύο· κατὰ δὲ Σύρους ἑκατὸν εἴκοσιν.

Ὁ μέδιμνος ξέστας ἑκατὸν δύο.

Ἡ μνᾶ ἔχει λίτραν αʹ, οὐγγίας δʹ.

Ἡ λίτρα ἔχει οὐγγίας ιβʹ.

Ἡ κοτύλη ἔχει οὐγγίας θʹ.

Τὸ τρυβλίον οὐγγίας θʹ.

Ἡ μνᾶ ἔχει λίτραν αʹ ἥμισυ.

Τὸ ὀξύβαφον ἔχει οὐγγίας βʹ, στάγια βʹ.

Ὁ κύαμος ἔχει οὐγγίαν αʹ ἥμισυ.

Τὸ μέγα λίτρον οὐγγίαν αʹ.

Ἡ οὐγγία, στάγια ἕξ.

Ὁ στατὴρ, στάγια τρία.

Τὸ μνῆστρον, στάγια τρία.

Τὸ σίκλον, στάγια τρία.

Τὸ βασιλικὸν καρύον, στάγια τρία.

Τὸ ἕκτον μόριον, στάγια τρία.

Τὸ στάγιον, δηνάριον ἕν.

Ἡ χήμη, στάγια δύο, κεράτια ἕξ.

Τὸ ὀξύβαφον, οὐγγίας δύο, στάγια δύο.

Τὸ κοχλυάριον, στάγια ζʹ.

Ὁ δὲ χοῖνιξ κοτύλας αʹ, ξε. δʹ. * χοῖνιξ κοτύλας γʹ, ξέστην αʹ S".

Ὁ δὲ ξέστης, κοτύλας βʹ, κυάθους ιβʹ.

Καὶ διὰ τούτων οἱ πλεῖστοι τῶν Ἑλλήνων μετροῦσι.

Παρὰ δὲ τοῖς Ἰταλοῖς εὑρίσκεται ὁ χοῦς μέτρῳ μὲν ἔχων ξε. στʹ, κοτύλας ιβʹ· σταθμὸν δὲ ὕδατος ὀμβρίου, ὅπερ ἐστὶν ἀψευδέστατον, δραχμὰς ψκʹ.

Ὁ δὲ χοῖνιξ ἔχει ξε. γʹ, κοτύλας στʹ καὶ οὗτος δὲ παρὰ τοῖς Ἀττικοῖς τρυβλίον ὀνομάζεται.

Τὸ δὲ ὀξύβαφον τέταρτόν ἐστι τῆς κοτύλης.

Ἔχει δὲ ὁ ξέστης σταθμῷ δραχμὰς ρκʹ.

Ἰδίως δὲ Ἑλληνικὴ κοτύλη ἡ ἐλαίου ἕλκει λι. αʹ.

Ὁ δὲ ξε. λι. βʹ. ὁ δὲ Ἰταλικὸς λι. αʹ, ἐλαίου γο ηʹ. τοῦ δὲ οἴνου γο. θʹ.

Εἰδέναι δὲ δεῖ ὡς τὰ μέτρα κατὰ τὸν σταθμὸν οὐ μετρίως ἐξαλλάσσεται κατὰ τὴν τῆς ὕλης διαφοράν.

Τὸ Ἰταλικὸν δηνάριον ἔχει δραχμὴν αʹ.

Δραχμὴ δὲ καὶ ἄλλη ὁμωνύμως καλεῖται Αἰγυπτιακὴ, ἥτις ἕκτον μέρος ἐστὶ τῆς Ἀττικῆς δραχμῆς ἄγουσα ὀβολὸν αʹ.

Τὸ γράμμα ἔχει ὀβολοὺς βʹ, θέρμους γʹ, κεράτια στ, χαλκοῦς ιστʹ.

Ὀβολὸς ἔχει θέρμον αʹ S", κεράτια γʹ, χαλκοῦς ηʹ, τὸ ἡμιώβολον ἔχει κεράτιον αʹ S", χαλκοῦς δʹ.

Θέρμος ἔχει κεράτια βʹ, χαλκοῦς εʹ καὶ τριτήμοριον, * ἢ χαλκοῦς γʹ.

Ἀττικὸν δὲ ἡμιώβολον ἑτέρου ἡμιωβόλου τέσσαρα πέμπτα.

Τὸ κεράτιον ἔχει Ἀττικοὺς χαλκοῦς βʹ καὶ χαλκοῦ ἑτέρου δύο τρίτα ἢ δύο πέμπτα.

Χαλκοῦς ἔχει ἡμιωβόλου τὸ δʹ, ὥστε τοὺς τέσσαρας χαλκοῦς ἄγειν ἡμιώβολον.

Ὁ στατὴρ ἄγει 𐅻 δʹ, καλοῦσι δὲ αὐτὸν τετράδραχμον.

Ὁ χαλκοῦς ἔχει ἡμιωβόλου τὸ τέταρτον. ὥστε τοὺς τέσσαρας χαλκοῦς ἄγειν ἡμιώβολον.

Ὁ στατὴρ ἄγει 𐅻 δʹ, καλοῦσι δὲ αὐτὸν τετράδραχμον.

Καὶ τὸ διπούντιον δὲ 𐅻 δʹ.

Καὶ τὸ βασιλικὸν δὲ κάρυον ὁμοίως ἄγει 𐅻 δʹ.

Ἡ χήμη ἡ μεγάλη ἔχει 𐅻 δʹ, ἡ μικρὰ 𐅻 βʹ.

Τὸ ἀσσάριον ἔχει 𐅻 βʹ.

Τὸ κοχλιάριον 𐅻 αʹ.

Τὸ δὲ ὀξύβαφον ποιεῖ γο στʹ.

Ὁ κύαθος ποιεῖ γο βʹ.

Τὸ μύστρον ποιεῖ γο τὸ ἥμισυ.

Τὸ κοχλιάριον ποιεῖ 𐆈 στʹ.

Ἡ δραχμὴ ποιεῖ 𐆈 γʹ.

Ὁ ὀβολὸς ποιεῖ γράμμα.

Τὸ σίκλιον ἔχει γο τὸ S" ἢ γο αʹ καὶ S".

Ὁ κύαθος μύστρα δʹ, ὡς εἶναι τὸ μύστρον γο τὸ S".

Τὸ δὲ μύστρον κοχλιάρια βʹ, ὡς εἶναι τὸ κοχλιάριον γο δʹ.

Ἡ μνᾶ ἔχει γο ιεʹ, ὁλκὰς ριβʹ S".

Ἡ λίτρα ἔχει ὁλκὰς ϟʹ.

Τὸ δὲ δηνάριον ἔχει γράμματα δʹ.

Ὁ ξέστης κοτύλας βʹ, αἱ καὶ τρίβανα ἢ τρυβλία λέγονται.

Ἡ κοτύλη γὰρ τὸ αὐτὸ ἔχει καὶ τὸ τρίβανον ἢ τρυβλίον μύστρα μεγάλα γʹ, ὀξύβαφα δὲ δʹ.

Τὸ γὰρ μέγα μύστρον ἔχει ὀξύβαφα γʹ.

Τὸ ὀξύβαφον ἔχει κυάθους αʹ S".

Ὁ δὲ κύαθος ἔχει χήμας μικρὰς, ἤτοι μύστρα μικρὰ βʹ.

Τὸ κόγγιον ἔχει λίτρας ιεʹ.

Τὸ ἡμικόγγιον ἔχει λίτρας ζʹ S".

Ὁ ξέστης ἔχει λι. βʹ S".

Ἡμίνα ἔχει λίτραν αʹ, γο γʹ.

Τὸ τέταρτον ἔχει γο ζʹ S".

Τὸ ὀξύβαφον ἔχει γο γʹ S", 𐅻 βʹ.

Ὁ δὲ κύαθος ἔχει γο βʹ S".

Ἡ δὲ χήμη, ὅπερ ἐστὶ κυάθου τέταρτον, ἄγει 𐅻 εʹ.

Ὁ δὲ χοῦς ἐστὶ μὲν μέτρῳ κοτυλῶν Ἀττικῶν ιβʹ, σταθμῷ δὲ ἄγει 𐅻 ψκʹ.

Ὁ δὲ ξέστης μέτρῳ μὲν κοτυλῶν βʹ, σταθμῷ δὲ ἄγει 𐅻 ρκʹ.

Ἡ δὲ κοτύλη ἔχει κυάθους ἓξ, σταθμῷ δὲ 𐅻 ξʹ, τὴν δὲ κοτύλην οἱ Ἀττικοὶ καὶ τρυβλίον ὀνομάζουσι.

Τὸ ὀξύβαφον μέτρῳ μὲν κοτύλης τέταρτον, ὅπερ ἐστὶ κύαθος εἷς ἥμισυ, σταθμῷ δὲ ἔχει δραχμὰς ιεʹ.

Ὁ κύαθος ἐστὶ δραχμῶν δέκα.

Ἡ δὲ χήμη ἐστὶ κυάθου τέταρτον, 𐅻 βʹ S".

Τὸ μέγα μύστρον κοτύλης ἐστὶν ὀκτωκαιδέκατον, ἄγει δραχμὰς γʹ, γράμμα αʹ.

Μύστρον τὸ δὲ μικρὸν, κοτύλης εἰκοστὸν τέταρτον, ἄγει 𐅻 βʹ S".

Τὸ δὲ δικαιότατον μύστρον γράμματα ἔχει ὀκτώ.

Τὸ δὲ κοχλιάριον γράμματα ἔχει τρία.

Τοῦ βασιλικοῦ καρύου τὸ μέγεθος 𐅻 ἄγει ἑπτά.

Τοῦ δὲ Ποντικοῦ 𐅻 αʹ.

Τὸ δὲ Ῥωμαϊκὸν S παρ’ ἐνίοις μὲν τριώβολον, παρ’ ἡμῖν δὲ παντὸς σταθμοῦ τὸ ἥμισυ. πλάγιον δὲ ι ἢ S, ὀβολόν. / 𐅼. 𐅼.